1. Gengur bíllinn bara fyrir metani eftir eftir breytinguna?
Nei, þetta er viðbót, bíllinn fer í gang á bensíni og skiptir síðan sjálfur í metan þegar kælivatnið nær 40°C. Þegar metanið klárast skiptir hann sjálfur yfir á bensín og svo aftur á metan þegar það er búið að fylla aftur á það.

2. Hvað eru þið lengi að breyta bílnum?
Við gefum okkur að lágmarki 4-5 virka daga í breytingu á hverjum bíl. Sá tími getur lengst ef mikil smíði vegna metantankanna bætist við.

3. Hvar get ég tekið metan?
Hægt er að versla metan hjá N1 Ártúnshöfða og Tinhellu í  Hafnarfirði.

4. Eru fleiri sem eru að bjóða þessar breytingar?
Já nokkur önnur fyrirtæki á Íslandi eru að því.

5. Hvað hafið þið breytt mörgum bílum?
Við höfum breytt u.þ.b. 200 bílum.

6. Hvað kostar að jafnaði að breyta  4cyl, 5cyl, 6cyl og 8cyl bílum?
Ef ekki er um stórvægilega bílsmíði í tengslum við metankútana er miðað við eftirfarandi (ath ekki algild regla):

4cyl = 408.000 kr.
5cyl = 556.800 kr.
6cyl = 565.540 kr.
8cyl = 614.485 kr.

Hver auka tankur kostar síðan frá 66.000 -118.000 m/vsk komin í.
Innifalið í því er kerfið og einn metankútur, í 6 og 8 cyl bíla þarf yfirleitt að setja fleiri svo þeir komist lengra á metanhleðslunni.

7. Er hægt að breyta Dísel bíl?
Einsog staðan er í dag eru breytingar á dísel í dísel/metan í þróun hjá okkur.

8. Hvað eru tankarnir þungir?
Það er misjafnt eftir stærðum en algengustu stærðirnar eru um 60-70kg (það er innanvið farþegi á þyngd).

9. Hvað eru tankarnir stórir?
Við erum með margar stærðir frá 4 Nm3 og uppí 22 Nm3

10. Er metangasið hættulegt?
Metangas er ekki skaðlegt heilsu manna eða dýra. Metangasið er léttara en loft og leitar því upp ef leki verður. Sprengihætta af metangasi er nánast engin, ólíkt bensíni.

11. Getur tankurinn sprungið?
Líkurnar á því eru nánast engar. Á tönkunum er loki með sexföldu öryggi sem sér um að tæma tankana verði þeir fyrir hnjaski. Ef þeir hitna eða yfirþrýstingur myndast sjá þeir um að tæma tankinn á ör skotstundu.

12. Er eldhætta af gasinu?
Nei. Ekki er unnt að kveikja í 100% metangasi þegar það er geymt undir svona miklum þrýsting.

13. Undir hvaða þrýstingi er gasið geymt?
Kerfið telst fullhlaðið við 220bar þrýsting

14. Er hægt að breyta hvaða bíl sem er?
Það er hægt að breyta nánast öllum bílum sem búnir eru beinni innspýtingu sem og Boxer vélum. Allt frá 4 upp í 10 cylendra vélar.

15. Er áfyllingin hættuleg?
Áfyllingin er mjög örygg. Hún er alsjálfvirk og án óhreininda eða lyktar.

16. Tekur langan tíma að fylla bílinn?
Það tekur innan við 4 mínútur að fylla bíl með einum tank.

17. Eru að koma fleiri áfyllingarstöðvar?
Hugmyndir eru að opna áfyllingarstöð á Akureyri og Reykjanesi árið 2012.

18. Hvað er löng ábyrgð á breytingunni?
Breytingunni fylgir 2 ára ábyrgð.

19. Er hægt að aka lengur á smurolíunni á bílnum eftir breytingu?
Já það er hægt í þeim tilfellum þar sem smuráætlun er mæld í kílómetrum en ekki dagsetningum. Óhætt er að aka 1.000-1.500km lengra á olíunni vegna minni sótmyndunnar við metangasbruna. Ekki er ráðlagt að aka lengur en t.d. 6 mánuði sé smuráætlun bílsins 6 mánuðir o.s.fr.

20. Er hægt að leggja frítt í stöðumæli á metanbíl.
Já, bílum sem er breytt fylgja klukkur sem leyfa bílum að leggja við stöðumæli í 1 ½ klst í senn í miðbæ Reykjavíkur. Þetta er í boði fyrir bíla sem eru léttari en 1.600kg og eru á ónegldum hjólbörðum.

21. Þarf bíllinn að fara í skoðun eftir breytingu?
Já, eftir breytingu munu starfsmenn Vélamiðstöðvarinnar sjá um að færa bílinn í breytingarskoðun á næstu skoðunarstöð. Er það þá skráð í breytingarferil bílsins líkt og gert er t.d. um dráttarbeisli. Í skoðuninni er farið yfir ísetningu, frágang og virkni. Virkni búnaðarins mun í framhaldinu vera prófaður við aðalskoðun ár hvert. Jafnfram er bíllinn vigtaður.

22. Má taka búnaðinn úr og setja í annan?
Búnaðurinn er í eigu viðskiptavinarins og er honum frjálst að gera það sem hann vill við búnaðinn. Gæta verður þó að færa bílinn til skoðunnar eftir að búnaðurinn hefur verið fjarlægður.

23. Hvað endist breytingin?
Með eðlilegu viðhaldi á búnaðurinn að endast bílinn.

24. Get ég keypt búnaðinn og sett hann í sjálfur?
Nei, búnaðurinn hjá okkur er einungis seldur með ísetningu.

25. Af hverju gangsetur bíllinn sig á bensíninu og fer síðan yfir á metanið?
Það er gert til þess að hita upp þrýstiminnkarann sem skammtar gasið til spíssanna. Við það að minnka þrýstinginn verður mikil kæling og getur því frosið í þrýstiminnkaranum. Ef það gerist þá stöðvast gasflæðið til vélarinnar. Kælivatnið sér því um að halda réttu hitastigi á þrýstiminnkaranum.

26. Hvenær skiptir bíllinn á milli bensín og metan?
Þegar kælivatnshiti nær 40-50°C

27. Sér bíllinn um að skipta á milli bensín og metan?
Já, Þegar vélin hefur náð 40-50°C hita smellir hann sér sjálfvirkt yfir á metangasið. Ef metanið klárast sér bíllinn um að skipta yfir á bensínið sjálfvirkt á ferð.

28. Er hægt að slökkva á kerfinu?
Já, það er hægt að slökkva á kerfinu og ekur þá bíllinn á bensíninu. Í raun eru tvær stillingar, slökkt og sjálfvirkt.

29. Fer breytingin illa með bílinn?
Nei, ef eitthvað er þá fer þetta betur með bílinn vegna mun minni sótmyndunar við brunann.

30. Er einhver hætta á að metanbirgðir klárist í landinu með aukinni flokkun sorps og minnkandi ruslahaugum?
Nei, samkvæmt Sorpu á að vera nægjanlegt magn fyrir 4800 metanbíla (heimilisbíla) á landinu næstu 60-80 árin.

Einnig eru hugmyndir um að sækja metangasið á fleiri stöðum en Álfsnesi, en haugarnir við Selfoss og Akureyri, sláturúrgangur, haughús hjá bændum, holræsakerfi og olíuleit á Drekasvæð,i hafa verið nefnd í því sambandi.

Með olíuleit kemur alltaf jarðgas með. Búnaðurinn sem við erum að notast við í dag er gerður fyrir það gas en nýtist einnig við sorpgasið sem við notum. Gasið sem kæmi við olíuleitina myndi fæða alla bíla landssins og gott betur en það. Gætum við því verið með hluta af bílaflotanum tilbúinn.

31. Hvað eru margir metanbílar á landinu?
Um 700

32. Eru bifreiðagjöld lægri á tvíorku bensín- og metanbílum?
Já,Greiðir þú því einungis 5.255kr í bifreiðgjöld á 6 mánaðar fresti ásamt 350kr í Úrvinnslugjald. Sjá betur hér.

33. Er kílómetragjald (þungaskattur) á vörubifreiðum lægri á metanbílum?
Nei, ekki enn sem komið er. Hinsvegar er ekki veggjald, mengunargjald og kolefnisskattur á metangasinu líkt og er á bensíni og dísel.

34. Er skoðunin dýrari á metanbílum en bensínbílum og hver hefur séð um þá þjónustu?
Það er enn óvíst.